Utanriksminister Espen Barth Eide seier at det er svært alvorleg at den fredsbevarande FN-styrken i Libanon (UNIFIL) har vorte skote mot av israelske styrkar.
– Unifil har ei viktig rolle i å overvake situasjonen og vere ein nøytral aktør som verkar konfliktdempande og bidrar til å forhindre at situasjonen kjem ut av kontroll, seier han til NRK.
Han legg til: FNs posisjonar og infrastruktur er godt kjent og tydeleg merka. Det er derfor svært kritikkverdig at israelske styrkar nå har skote mot fleire av Unifils posisjonar.
– Eg kjem med ei innstendig oppfordring til alle partar om å respektere humanitærretten og verne sivile, avsluttar han.
English (US)