|
Bedriftene i Nordland er blant dei mest optimistiske bedriftene i landet, ifølge ei ny medlemsundersøking utført av NHO.
Det opplyser dei i ei pressemelding. Undersøkinga blir gjort kvar månad blant dei totalt 34.000 medlemsbedriftene i landet.
I Nordland ser dei fleste bedriftene lyst på dei neste seks månadane, sjølv om det er utfordrande i enkeltbransjar, ifølge NHO.
– Det er flott å sjå at bedriftene ser lysare på tida framover enn dei gjorde i desember, og at så mange trur at 2025 kjem til å bli betre enn 2024. Det lovar godt for det nye året og tyder på at det går noko betre i næringslivet her nord, seier regiondirektør i NHO Nordland, Hans Christian Hansson.
85 prosent av bedriftene opplyser at marknadssituasjonen er god eller tilfredsstillande. Vidare trur nesten 40 prosent at 2025 blir betre enn 2024.
– Samtidig er det framleis utfordringar å ta tak i for næringslivet, seier han.
Han viser til at byggenæringa har det vanskeleg.
– Her er det viktig at politikken bidrar til å få fart på blant anna bustadbygginga i landet. Vidare er det store utfordringar innanfor samferdsel i fylket, særleg på Nordlandsbanen og på hurtigbåt der vi ser eit svekka tilbod og for dårleg regularitet.
English (US) 
