Velle om Westerlin-flytting: – Det kan vere eit PR-stunt

Det var VG som først melde at Westerlin har meldt flytting ut av landet.

Ifølgje opplysningar frå folkeregisteret endra han adressa si frå Frogner i Oslo til Sveits 10. november.

Ei rekke nordmenn har valt å flytte til Sveits, særleg på grunn av gunstige skattefordelar i landet.

Sveits er nummer fire på lista over verdas skatteparadis, ifølgje organisasjonen Tax Justice Network.

Det har førebels ikkje lukkast NRK å få ein kommentar frå Oskar Westerlin på denne saka.

– Stor trend

Stortingsrepresentant Simen Velle (Frp) opnar for at flyttinga kan vere eit påfunn.

– Det er jo ein ung mann som har ei historie med å drive med PR-stunt. Det er kanskje greitt å ta nokre atterhald her, seier Velle til NRK.

Men han meiner at om at flyttemeldinga er ein del av ein stor trend.

– Det er det berre ei dråpe i havet av det vi dessverre har sett dei siste åra med at nordmenn vel å flagge ut frå det norske fellesskapet på grunn av Arbeidarpartiet sitt skatteregime, meiner Velle.

Oskar Vesterlin er særleg kjend frå podkast-kollektivet «Gutta». Før valet intervjua dei blant anna har intervjua ein annan fersk Sveits-utvandrar, Øystein Stray Spetalen.

– Skadeleg avtale

Andreas Fjeldskår er dagleg leiar i organisasjonen Tax Justice Norge. Han vil ikkje kommentere flyttinga til Oskar Westerlin spesielt.

Men han meiner at skatteavtalen med Sveits er skadeleg for Noreg.

– Dei som jobbar heildigitalt kan jo jobbe frå kvar som helst. Men dei flyttar frå det som kanskje er verdas beste infrastruktur- og velferdssystem, seier Fjeldskår.

Han peikar på at då Kjell Inge Røkke melde flytting i 2022, så var den moglege gevinstskatten frå han på rundt 10 milliardar kroner.

– Det er same summen som kunne dekka to til tre år med gratis barnehage for alle i Noreg, seier Fjeldskår.