Trump beordrar dramatiske endringar i vallova i USA

Heretter skal alle stemmer, også dei omstridde poststemmene, vere levert innan valdagen.

Ordren krev dokumentasjon for statsborgarskap, som pass, for å kunne stemme i føderale val.

Den gir føderale byrå makt til å kutte finansiering til statar som ikkje følgjer ordren, og instruerer Justisdepartementet til å straffeforfølgje det dei kallar «valbrotsverk».

– Denne presidentordren er lovlaus, meiner Danielle Chang.

Ho er stemmeretts-advokat ved den ideelle organisasjonen Campaign Legal Center.

Stabssjef i Det Kvite Hus, Will Scharf, kallar ordren «den mest omfattande presidenthandlinga i nasjonens historie».

Tiltaket søker også å blokkere delstatar frå å akseptere poststemmer etter valdagen, uavhengig av når dei blir sendt inn.

Mange av bestemmelsane i ordren vil sannsynlegvis bli raskt utfordra og er juridisk tvilsame.

Den amerikanske grunnlova gir eksplisitt statar og Kongressen autoritet til å setje reglar for val og gir ikkje presidenten lov til å gjere det.

Etter at Trump signerte ordren tysdag, varsla Trump at kjem fleire valendringar dei neste vekene.

Då han tapte valet mot Joe Biden i 2020, påstod Trump at valresultatet var tukla med og Biden sin siger skuldast valfusk.

Det blei slått klart fast at og dokumentert at dette ikkje stemte.