Signal-gate: Lekkar fleire angrepsmeldingar

I meldingane som magasinet no deler skjermdumpar av, står det mellom anna nøyaktig tidspunkt for når amerikanske fly tok av i retning Jemen.

The Atlantic sin redaktør Jeffrey Goldberg blei lagt til i gruppechatten med eit uhell. Han fekk detaljerte skildringar av det komande angrepet to timar før det inntraff.

– Om denne informasjonen hadde hamna i feil hender, kunne amerikanske pilotar og anna amerikansk personell blitt utsett for enno større fare, skriv redaktøren.

Den uavhengige organisasjonen Yemen Data Project skriv i dag at minst 25 sivile jemenittar blei drepne i angrepet, fire av dei barn.

– Viktig for offentlegheita

The Atlantic-redaktør Jeffrey Goldberg ville først ikkje publisere heile meldingsloggen då han fortalte korleis han med eit uhell var blitt lagt til i ein gruppechat der planane for eit amerikansk angrep mot Jemen blei diskuterte.

Ein del av informasjonen som kom fram i meldingane, var for sensitive og graderte, meinte Goldberg, som nøydde seg med å dele brottstykke av meldingsloggen.

Men då artikkelen i The Atlantic blei publisert, gjekk det kort tid før Trump-administrasjonen avfeide alvoret. Fleire hevda nemleg at det ikkje var blitt delt gradert informasjon i gruppa.

Difor har magasinet bestemt seg for å dele meir av angrepsplanane i loggen likevel. I artikkelen legg Goldberg ved ei rekke

Avviste at informasjonen var hemmeleg

Ein reporter som spurde forsvarsminister Pete Hegseth om kvifor han hadde delt graderte angrepsplanar på ein meldingsapp, svarte han:

– Ingen teksta om krigsplanar. Det er alt eg har å seie om det.

Etterretningssjef Tulsi Gabbar og CIA-sjef John Ratcliffe svarte også at ingen hemmelegstempla opplysningar blei delte i chatgruppa.

Også Donald Trump svarte at det ikkje var snakk om gradert informasjon.