Person død i haiangrep i Australia

Fleire strender i området er stengd etter angrepet. Det opplyser australsk politi.

– Me hadde ein forferdeleg tragedie nede ved Dee Why-stranda i dag tidleg. Ein 57 år gammal mann frå Dee Why vart funnet i sjøen med dødelege skadar, etter det me trur var eit haiangrep, seier politiinspektør John Duncan ifølgje nyheitsbyrået Reuters.

Mannen hadde gått ut for å surfe laurdag morgon lokal tid med nokre venner. Etter det politiet forstår var mannen ein erfaren surfar.

Vennene kom seg tilbake til land trygt, men mannen vart seinare funnet død i vatnet.

– Det kan sjå ut som om dette var ein stor hai. Han har mista fleire kroppsdelar.

Forsøkte å gi han førstehjelp

Det vart utført fleire forsøk på livreddande førstehjelp.

– Diverre lykkast det ikkje å redde han, seier Duncan.

Politiet har snakka med ein rekke vitnar etter hendinga. Dei vil no undersøkja surfebrettet og den avdøde mannen.

– Eg har surfa over heile verda, og det er ein risiko me alle aksepterer. Og dette er berre heilt tragisk. Det finst eigentleg ikkje noko anna å seia – det er berre tilfeldig uflaks, trur eg, seier surfar Bill Sukala til nyheitsbyrået.

Første dødsfall på tre år

Det er sjeldsynt at folk drepne av hai i Sydney. Sist gong vart i 2022, og gongen før da var heilt tilbake i 1963.

Det er ikkje kjent kva slags hai det er som står bak angrepet på den 57 år gamle mannen.

I 2022 vart det ein kvithai som sto bak angrepet på ein britisk dykkar vart drepen.

Den australske skodespelaren Marcia Hathaway vart drepen av ein ukjend haitype i 1963.

Haiangrep på menneske skjer sjeldan, med kring 100 rapporterte tilfelle kvart år over heile verda. Under 15 prosent av dei har eit dødeleg utfal, ifølgje Norsk institutt for naturforskning.