Ukraina brukte amerikanskproduserte langdistansemissil av typen ATACMS i eit angrep mot Brjansk-regionen i Russland, hevdar det russiske forsvarsdepartementet ifølge nyheitsbyrået TASS.
Det skriv vidare at fem missil blei skotne ned og eit missil blei skada.
Fragmenta skal ha ført til ein liten brann på eit militært anlegg i regionen, men det var ingen skade på verken menneske eller bygg, heiter det vidare i utsegna.
Også ukrainske medium skriv at desse missila har blitt brukt mot Russland, men ukrainske forsvarskjelder har ikkje enno kommentert påstandane.
Det ukrainske militæret hevda tidlegare tysdag å ha treft eit ammunisjonslager i den same regionen, nær byen Karatsjev. Det sa ikkje kva type missil som i så fall blei brukte.
Ukraina hevdar å ha angripe eit ammunisjonslager i Karatsjev, over 100 kilometer frå grensa. Kva slags våpen som i så fall blei brukt, er ikkje spesifisert.
Karatsjev ligg omtrent 130 kilometer unna den ukrainske grensa.
Joe Biden-administrasjonen i USA har gitt Ukraina løyvet det lenge har bede om til å bruke langdistansemissil av denne typen mot mål på russisk jord.
Dersom meldingane frå Russland stemmer, er dette første gongen Ukraina har teke dette til følge.
Publisert 19.11.2024, kl. 14.06 Oppdatert 19.11.2024, kl. 14.13
English (US)