Uvêret «Dave» er venta å treffe Sør-Noreg for fullt første påskedag.
Meteorologane har sendt ut raudt farevarsel for Rogaland og Agder.
Mange nordmenn har starta heimreisa allereie påskeaftan etter varsel om kraftig uver.
Det har ført til lange køar over fleire fjellovergang, ifølge Statens vegvesen laurdag.
Følg utviklinga her:
Kolonnekøyring
Allereie laurdag har uvêret gitt krevjande køyreforhold fleire stader, særleg over dei viktigaste fjellovergangane.
Fleire strekningar har kolonnekøyring, medan andre er heilt stengde.
Riksveg 7 over Hardangervidda er stengt for personbilar.
Strynefjellet, før Oppljostunnellen austfrå.
Berre tungtransport køyretøy med kjetting får køyre i kolonne over fjellet.
Desse strekningane har kolonnekøyring:
- Hardangervidda for tungtransport med kjetting
- Fylkesveg 50 Hol-Aurland
Det kan også bli innført kolonnekøyring på riksveg 53 mellom Tyin og Årdal.
Like før klokka 19 laurdag opna E134 over Haukelifjell, ifølge trafikkamera til Vegtrafikksentralen.
Det er ein del kø, opplyser Vegtrafikksentralen sør til NRK.
I tillegg er fylkesveg 51 over Valdresflye og fylkesveg 55 over Sognefjellet er stengde.
På Hardangervidda blåser det 12,8 sekundmeter, og det snør tett ved vêrstasjonen på Skulevika på 1183 meters høgde.
Også ferjer blir råka
Det var like før klokka 12.00 kom det ei oppjustering av farevarsla.
«Dave» vil nemleg ta ei meir sørleg bane enn venta, varslar Meteorologisk institutt.
Varselet er oppjustert frå gult til oransje nivå sør i Østfold, og delar av Rogaland og Agder kan vente seg «ekstreme vindkast» på 38 til 42 sekundmeter.
Kyststrekninga Karmøy til Oksøy er mest utsett.
Slik ser det oppdaterte farevarselet over Sør-Noreg ut.
Faksimile: Meteorologisk InstituttEkstremvêret fører også til store forstyrringar i ferjetrafikken, og sambandet mellom Mortavika og Arsvågen blir heilt innstilt store delar av sundag.
Ifølge Fjord1 blir ferjene tatte ut av drift mellom klokka 12.00 og 19.00.
Allereie frå midnatt natt til sundag blir ruta lagd om til å gå mellom Arsvågen og Hanasanden.
Situasjonen blir vurdert på nytt sundag kveld, og reisande blir oppmoda om å følge med på oppdaterte rutevarslar.
Kan råke straumforsyninga
Statsforvaltaren i Agder hadde møte med 142 deltakarar laurdag formiddag. Kommunar, politi og nettselskap var blant deltakarane.
– I dag er dagen for å førebu seg, seier statsforvaltar Gina Lund til NRK.
Kommunane Lindesnes, Flekkefjord, Lyngdal og Farsund ber folk om å ikkje dra heimefrå med mindre det er naudsynt.
Det skal vere frykt for straumbrot.
Statsforvaltaren i Rogaland har eit møte med alle kommunane i fylket i forkant av uvêret.
REMKO DE WAAL / AFP / NTB
Gult farevarsel = moderat fare
Brukes om en moderat farlig situasjon, som kan forårsake lokale skader.
Sendes ut når det ventes mindre konsekvenser.
- Det kan bli skader lokalt
- Strømbrudd kan forekomme
- Det er sannsynlig med forsinkelser i trafikken
- Vind kan gjøre det farlig å være i fjellet
PILAR OLIVARES / Reuters / NTB
Oransje farevarsel = stor fare
Et varsel som sendes ut sjelden. Været kan føre til alvorlige skader.
Oransje farevarsel sendes ut når konsekvensene vil bli omfattende for mange mennesker.
- Været kan føre til alvorlige skader
- Reell fare for at liv og verdier kan gå tapt
- Veier kan bli stengt
- Avganger med båt, fly og annen transport blir kansellert
MICHAEL TRAN / AFP / NTB
Rødt farevarsel = ekstrem fare og ekstremvær
Dette farenivået forekommer svært sjelden, og kan føre til store skader.
Røde farevarsler ser du bare når det er forventet at været kan gi ekstreme konsekvenser.
- Fare for at liv går tapt
- Store ødeleggelser på eiendom og infrastruktur
Myndigheter og sivile i berørte områder oppfordres til å utføre tiltak som bidrar til å sikre liv og begrense skadeomfanget.
– Prognosane til Meteorologisk institutt ser ut til å stemme. Ofte kan desse bli litt mindre alvorlege når det nærmar seg, men slik det ser ut no, blir det som spådd.
Det seier Reidar Johnsen, fylkesberedskapssjef hos Statsforvalteren i Rogaland, til NRK.
Johnsen opplyser om at kyststripa frå nord i Vestland til sør i Agder er mest utsett grunna sterk vind.
– Mitt inntrykk er at kommunane har tatt dette alvorleg og at dei har vurdert sin eigen beredskap, legg han til.
«Dave» kan gi problem for straumforsyninga i store delar av Sør-Noreg. Fleire nettselskap førebur seg på moglege straumbrot.
– Det er stor fare for at nokon stadar vil bli straumlause. Det er vanskeleg å reparere linjene når det blåser som verst, seier Johnsen.
Han rår folk til å vere tolmodige og ha stearinlys, oppladd batteribankar og tilgang på varme tilgjengeleg.
Sikrar båten for uvêret
I Kristiansand gjer Gordon Natvig båten sin klar før stormen.
– Eg førebur alltid båten på uvêr.
Med seks til sju fortøyingar på kvar side og totalt ti fenderar, skal båten vere godt rusta til å ta i mot «Dave».
– Ein må førebu seg på at det verste kan skje, legg Natvig til.
Gordon Natvig har sikra båten sin i forkant av stormen.
Foto: Eirik Lyngbø Rognaldsen / NRKI Stavanger kommune fører «Dave» til forseinkingar i heimetenesta og tomme flaggstenger, skriv kommunen i ei pressemelding.
Samtidig går det føre seg sikring av tre og stenging av Byparken.
Kommunen oppmodar innbyggarane til å sikre lause gjenstandar.
Delar av Byparken i Stavanger blir halde stengt under stormen.
Foto: Simon Skjelvik Brandseth / NRK– Lys og håp
Gudstenestene i Stavanger bispedømme blir første påskedag flytta til klokka 10.00.
Sjølv om høgtidsdagen er den viktigaste i kyrkjeåret, tar biskop Anne Lise Ådnøy uvêret på alvor.
– Når vi flytter gudstenestene til klokka 10.00 kan vi feire gleda i staden for å uroe oss for om folk kjem seg trygt heim, seier ho i ein pressemelding.
Biskop Anne Lise Ådnøy tok avgjerda med å flytte på gudstenestene i Stavanger bispedømme første påskedag. Biletet er frå Ådnøy blei vigsla til ny biskop i 2019.
Foto: Carina Johansen / NTB,NTBGeir Skårland, stiftsdirektør i Stavanger bispedømme, minner om kva høgtida handlar om.
– Vi feirar jo at påsken er ei forteljing om at det først ser ut til å gå veldig, veldig dårleg, men så viser det seg at det blir lys og håp, seier han.
– Det er jo noko å feire, og som kan vere aktuelt i dette året òg, legg han til.
Color Line innstiller ferjeavgangar
Også Color Line gjer tiltak i forkant av stormen.
Søndag er alle avgangar mellom Kristiansand og Hirtshals innstilte.
– For dei gjestane som skulle ha vore med på seglingane, betyr det at seglinga ikkje går. Alle blir informerte fortløpande, og vi forsøker å finne best moglege løysingar.
Det seier Erik Brynhildsbakken, kommunikasjonssjef i Color Line, til NRK.
Totalt blir om lag 4000 reisande råka som følge av vêret.
Publisert 04.04.2026, kl. 11.03 Oppdatert 05.04.2026, kl. 05.28
English (US)