Kraftig husbrann i Arendal - har ikkje kontroll på flammane

Naudetatane vart varsla om brannen like før klokka 19:30 laurdag kveld.

Då hadde politiet allereie slått fast at det ikkje var folk inne i huset. Dei hadde fått kontakt med huseigar.

Ved 20-tida opplyste Agder-politiet at det var opne flammar i huset, og at brannvesenet jobba med å sløkke brannen.

Stensåsveien er stengd som følgje av brannen. Årsaka er at det ikkje er mogleg for trafikk å passere så lenge brannvesenet jobbar på staden.

Ifølgje Agderposten er det brannmannskap frå både Froland og Arendal som jobbar på staden.

– Vi jobbar no med ytre sløkking og har førebels ikke kontroll på brannen, seier vaktleiar i brannvesenet Anders Torbjørnsen til Agderposten.