USAs president Joe Biden snakka med Israels statsminister Benjamin Netanyahu på sundag om forhandlingar for å frigje gislar og få til ein våpenkvileavtale i Gaza, sa ein amerikansk tenestemann.
Dette skjer medan Biden pressar på for ein våpenkvile mellom Israel og Hamas før Donald Trump vender tilbake til Det kvite hus 20. januar.
Det skriv AFP.
Laurdag kom beskjeden frå statsminister Benjamin Netanyahus kontor om at Israel sender Mossad-sjefen til Qatar for Gaza-samtalar.
Sidan terroråtaket frå Hamas 7. oktober 2023 og den etterfølgjande krigen har det vore berre ein våpenkvile. Den varte i ei veke i slutten av november 2023, og rundt 100 israelske gislar vart sleppte fri i byte mot over 200 palestinske fangar.
Tidlegare i januar vart det anslått at omlag 100 gislar er igjen i Gaza, kor rundt 60 er i live, ifølgje israelske kjelder.
English (US)