Stor ispropp i Lom

Som følge av proppen går vatnet opp til Nordal turistsenter. Campingplassen står delvis under vatn, ifølge GD.

Om lag 15 hytter og eit sanitæranlegg er råka, ifølge avisa.

– No renn vatnet under isen, men det er såpass vassføring at den kan ta med seg masse og tette, og då vil problemet auke, seier ordførar Kristian Frisvold (Bygdelista) til TV 2.

– NVE er på veg oppover for å vurdere det, og vurdere flomvollen. For det blir jo eit visst trykk av ismassar, seier Frisvold.

Riksveg 15 går over elva. Litt nedanfor ligg ei gangbru i tre. Her ligg isen heilt opp mot brua, fortel Frisvold.

Han anslår at det er om lag 300 meter med is som ligg oppover elva.