Politiet fekk melding om ei skyting på Grønland i Oslo rett over klokka 03 natt til søndag.
Éin mann skal vere skada i skytinga, men det er uvisst kor skada han er. Han skal vere medviten.
– Det er mogleg å prate med han, men utover det kan eg ikkje seie noko meir om skadegrunn, seier operasjonsleiar Line Kapskarmo til NRK.
Politiet jobbar no med avhøyr av personar i området, samt taktisk og teknisk etterforsking.
Dei seier at etterforskinga så langt tyder på at det ikkje er ei tilfeldig handling.
Det var VG som først meldte om saka.
– Det er ikkje grunn til å tru det er fare for bebuarar i området, skriv Oslo politidistrikt på X.
Får nabolagspoliti
Dette er ikkje første gong det har vore urolegheiter på Grønland.
Frå 1. mai skal det vere meir synleg politi i bydelen. 38 polititenestepersonar skal jobbe for å slå ned narkotikasal, vald og trugslar i området.
Publisert 28.04.2024, kl. 03.34 Oppdatert 28.04.2024, kl. 03.58