1 month ago
30
Den unge mannen skulle få 25.000 kroner for å hjelpe «Rachel».
Publisert 20.03.2025 12:51
Han opplevde det som «shady», men stilte likevel opp.
Oppdraget var å hjelpe «Rachel» å kjøpe Bitcoin for pengar ho hadde tent på OnlyFans.
OnlyFans er eit sosialt medium mest kjent for at brukarar tilbyr mellom anna nakenbilete og sexvideoar mot betaling.
Men dei vel 253.000 kronene som Oslo-mannen fekk av «Rachel», stamma verken frå ho eller frå sal av frekke bilete på OnlyFans.
Kvitvasking
Rett nok stamma dei frå noko anna frekt, men i ein heilt anna kategori:
Pengane mannen i 20-åra fekk, kom nemleg frå ei heilt anna kvinne enn den påståtte OnlyFans-modellen.
Dei kom nemleg frå kontoen til ei kvinne som hadde blitt utsett for bedrageri.
Då mannen i januar 2024 mottok pengane frå bedrageriet og kjøpte Bitcoin for det, medverka han difor til kvitvasking av pengane.
No er mannen i starten av 20-åra dømd for grovt aktlaust heleri i Søndre Østfold tingrett.
– Trudde på «Rachel»
Han skulle få 25.000 kroner kontant for å hjelpe «Rachel» med kryptokjøpa, men dei pengane fekk han aldri.
Dommen frå tingretten er tatt ut med dissens. I dette tilfellet betyr det at dommarane ikkje er samde om mannen faktisk var klar over at han bidrog til kvitvasking.
Håver inn millioner på OnlyFans
Fleirtalet i retten har, under tvil, kome fram til at mannen har handla grovt aktlaust.
– Fleirtalet kan ikkje heilt utelukke at han trudde pengane han tok i mot, faktisk kom frå aktivitetar på OnlyFans. Vidare ser det ut til at han har utvikla ein relasjon til «Rachel» og oppriktig trudd at han skulle få pengar av henne, heiter det i dommen.
Den unge mannen hadde kontakt med «Rachel» på Snapchat heilt fram til mars/april 2024. Først då skal han ha forstått at han aldri ville få betalt.
Burde undersøkt meir
Mindretalet meiner derimot at mannen har handla med forsett.
Sidan han sjølv har sagt at opplegget virka «shady», burde han undersøkt opplysningane nærare.
Før han «stod opp midt på natta for å gjennomføre transaksjonane», samanfattar den eine meddommaren.
Skatteetaten følger med: – Mange har havnet i trøbbel
Dømd til fengsel
No er han dømd til 30 dagar fengsel utan vilkår og ei samfunnsstraff på 60 timar.
I tillegg må han betale Oslofjorden Sparebank 79.7823 kroner i erstatning.
Heleri i straffeloven
§ 332. Heleri
For heleri straffes den som mottar eller skaffer seg eller andre del i utbytte av en straffbar handling. Likestilt med utbytte er en gjenstand, fordring eller tjeneste som trer istedenfor det. Heleri straffes selv om ingen kan straffes for handlingen som utbyttet stammer fra på grunn av manglende skyldevne etter § 20.
Første ledd anvendes ikke på den som mottar utbyttet til vanlig underhold av seg eller andre fra en som plikter å yte slikt underhold, eller den som mottar utbytte som normalt vederlag for vanlige forbruksvarer, bruksting eller tjenester.
Straffen for heleri er bot eller fengsel inntil 2 år.
§ 333. Grovt heleri
Grovt heleri straffes med fengsel inntil 6 år. Ved avgjørelsen av om heleriet er grovt skal det særlig legges vekt på hva slags handling utbyttet stammer fra, om fordelen gjerningspersonen har skaffet seg er betydelig, og om den skyldige har drevet heleri regelmessig. Gjelder heleriet utbytte av narkotikalovbrudd, skal det også legges vekt på arten og mengden av det stoffet utbyttet knytter seg til.
Dersom utbyttet stammer fra grovt ran, grov menneskehandel eller særlig grov narkotikaovertredelse, er straffen fengsel inntil 15 år.
§ 335. Uaktsomt heleri
Uaktsomt heleri som nevnt i §§ 332 og 333 straffes med bot eller fengsel inntil 2 år.
Dei hadde i utgangspunktet eit langt høgare erstatningskrav for å ha blitt brukt til heleri, men tingretten lempar på summen av fleire årsaker.
Mellom anna fordi mannen planlegg å studera til hausten og difor vil ha avgrensa økonomi.
Retten legg også vekt på at mannen ikkje sat att med noko gevinst etter gjerninga.
TV 2 har vore i kontakt med mannens forsvarar, som ikkje har kommentarar til saka. Det er ikkje kjent om mannen ankar, og dommen er difor ikkje rettskraftig enno.
TV 2 er ikkje kjent med om det ligg føre straffesaker mot svindlarane som skal ha utnytta den dømde mannen i denne saka til heleri.
English (US)