Skodespelaren Maggie Smith er død

Her i Noreg var ho først og fremst kjend for rollene ho spelte i Harry Potter-filmane og Downton Abbey.

Sønene hennar, Toby Stephens og Chris Larkin, seier i ein uttale:

– Det er med stor sorg vi må kunngjere at Dame Maggie Smith er død.

Familien opplyser at ho døydde fredeleg på sjukehus fredag.

I uttalen skriv sønene at ho var saman med vener og familie på slutten.

– Vi er knuste over tapet av vår ekstraordinære mor og bestemor, skriv sønene, ifølgje BBC.

Sønene nyttar høvet til å takke sjukehuspersonalet for omsorg og vennlegheit dei siste dagane mor deira levde.

– Vi takkar for alle dei hyggelege meldingane og støtten vi får, skriv dei.