Nora Haukland har i dag forklart seg for politiet, opplyser advokaten hennar, John Christian Elden.
Haukland har forklart seg om episodar med fysisk og psykisk vald frå tida ho var sambuar med Marius Borg Høiby.
Haukland møtte hos politiet i Oslo saman med advokat Heidi Reisvang frå Elden Advokatfirma. Avhøyret av Haukland varte i seks timar.
– Ho har forklart seg om opplevingane sine med fysisk og psykisk vald frå Marius Borg Høiby frå den tida dei var saman. Haukland har også overlevert materiale ho har hatt som supplerer forklaringa hennar, seier advokat John Christian Elden som er utnemnd som bistandsadvokat for Haukland.
Haukland har forklart seg om hendingar som har funne stad både i det offentlege rommet, og i deira felles heim. Ved enkelte hendingar har det også vore tredjepartar til stades, skriv Elden i ei pressemelding.
NRK forklarer
Dette er saka om Marius Borg Høiby
Dette er saka om Marius Borg Høiby
Høiby er sikta for vald og skadeverk
Søndag 4. august blir Høiby pågripen av politiet på Jansløkka skole i Asker.
Natta i førevegen meiner politiet at han skal ha vore valdeleg mot ei fornærma kvinne i leilegheita der ho bur. Han skal også ha øydelagt fleire gjenstandar.
Etter pågripinga siktar dei Høiby for kroppskrenging og skadeverk. Politiet seier det er ein relasjon mellom han og kvinna.
Dette er saka om Marius Borg Høiby
Høiby innrømmer vald
14. august innrømmer Høiby til NRK at han «utøvde kroppskrenkelser og ødela gjenstander» då han var rusa på kokain og alkohol.
Han seier då han vil ta ansvar og forklare seg til politiet.
Høiby beklagar også til den fornærma kvinna som han omtaler som kjærasten sin.
Dette er saka om Marius Borg Høiby
Ein ekskjæraste uttaler seg
12. august kjem Juliane Snekkestad med ei uttale på sosiale medium, der ho hevdar å ha blitt utsett for vald av Høiby.
Ho blir kalla inn til avhøyr av politiet og får status som fornærma i ei undersøkingssak mot Høiby. Han er ikkje sikta, men mistenkt.
20. august seier advokaten hennar at saka blir etterforska som mogleg vald i nære relasjonar.
Dette er saka om Marius Borg Høiby
Enda ein ekskjæraste får status som fornærma
15. august uttaler Nora Haukland på sosiale medium at ho skal ha blitt utsett for vald av Høiby.
Ho har blitt kalla inn til avhøyr av politiet. Dei opprettar ei undersøkingssak der dei etterforskar mogleg vald i nære relasjonar, stadfestar bistandsadvokaten.
Haukland har status som fornærma. Høiby er ikkje sikta.
Dette er saka om Marius Borg Høiby
Etterforskar tre saker
Det er altså kjent at politiet har tre saker på bordet som er knytt til Høiby.
- I den første saka er Høiby sikta for kroppskrenking og skadeverk mot ei fornærma kvinne.
- Politiet har oppretta ei undersøkingssak mot Høiby der Juliane Snekkestad er fornærma.
- Politiet har også oppretta ei undersøkingssak sak mot Høiby der Nora Haukland er fornærma.
Publisert 21.08.2024, kl. 16.57 Oppdatert 21.08.2024, kl. 16.59
English (US)