Minst 82 daude i gruveulukke i Kina

Minst 82 personar er daude etter ei gruveulukke nord i Kina. I tillegg er fleire personar sperra inne i gruva.

Det skriv det statleg nyheitsbyrået Xinhua.

Det var ein gasseksplosjon som førte til ulukka, som skjedde fredag kveld.

Over 200 arbeidarar har hittil vorte henta ut i live, men fleire er framleis sperra inne. Redningsmannskapar jobbar for å henta ut dei som framleis er fanga under bakken.

Kinas president Xi Jinping har kravd at alle tilgjengelege ressursar skal settast inn for å henta ut dei som er sakna. Han krev også ei full etterforsking av ulukka, skriv nyheitsbyrået Xinhua.

Interessert i det som skjer i verda? Høyr utanriksredaksjonens podkast: