Kallar tilbake kjøttdeig etter funn av salmonella

Kjøttet som er brukt i deigane kjem frå Tyskland, skriv Norfersk i ei pressemelding.

Det meste av partiet med kjøtt er stoppa, men nokre av pakkane har allereie kome i butikk, skriv dei.

Produktet som blir kalla tilbake på grunn av funnet av salmonella, er Spar kjøttdeig i pakkar på 400 gram, og som har siste forbruksdag 10.10.25.

Kallar tilbake fleire produkt

I tillegg kallar Norfersk tilbake ei rekke andre produkt som blei produsert i etterkant på same produksjonslinje.

Dette dreier seg om blant anna deigar frå First Price, Folkets og Jacobs. Sjå kva typar og haldbarheitsdatoar i faktaboksen under.

Produkta er selde i butikkane til Norgesgruppen, Joker, Kiwi, Meny og Spar i heile landet. I tillegg er kjøttdeigen seld i Bunnpris-butikkar.

Ber folk kaste

Norfersk ber dei som har kjøpt pakkar med kjøttdeig som no er kalla tilbake om å kaste dei, eller returnere dei til butikken der dei er kjøpt for å få refusjon.

Dersom nokon alle reie har ete kjøttet, skriv Norfersk i pressemeldinga at ein ikkje blir sjuk om kjøttet har vore gjennomsteikt eller kokt, og ein har god hygiene på kjøkkenet.

Men dersom nokon er redde for å ha blitt smitta, ber dei om at dei tek kontakt med lege.

Norfersk er eit dotterselskap av Nortura, og produserer for butikkane til Norgesgruppen.