Harris bad amerikanarane om å «keep Calm-ala and carry on-ala»

Det er siste innspurt i valkampen i USA. Tysdag er siste sjanse for amerikanarane å velje sin nye president.

Laurdag overraska presidentkandidat Kamala Harris med å dukke opp på det populære TV-programmet Saturday Night Live (SNL)

Harris føyer seg i rekka over presidentar og politikarar som delteke i satire-programmet.

Skodespelar Maya Rudolph portretterte Kamala Harris som sat backstage under eit valkamparrangement. I spegelen snakkar ho med seg sjølv, altså den ekte Kamala Harris.

«Kamala, take my pamala. The american people want to stop the chaos. And end the dramala with a cool new step mamala.»

Slik startar dialogen mellom dei to, som refererer til dei to steborna til Harris.

«Keep Calm-ala and carry onala», seier dei to i kor. Publikumet jublar.

Trump, Obama og Pailin

Harris er ikkje den første toppolitikarane til å delta i programmet.

Donald Trump, som er oppteken med å selje fastfood og køyre søppelbil i valkampen, har vore med i SNL ved fleire høve.

I 2015, like før valkampen der han gjekk sigrande ut, deltok han i TV-programmet.

Latinamerikanske organisasjonar protesterte då i gatene utanfor studioet i New York på grunn av Trumps innvandringspolitikk.

Allereie i 1993 hadde Trump ein gjesteopptreden under episoden som gjekk på lufta på morsdag.

I 2008, då Obama blei først valt som president, deltok både Obama og den republikanske presidentkandidaten John McCain på Saturday Night Live. Det skriv Reuters.