Dødsbrann i Ulsteinvik

– Brannvesenet har søkt gjennom bustadane, og har ikkje funne andre personar, seier John Pilskog i politiet.

Politiet seier til NRK at det skal vere fire personar registrert på adressa. Det kjem mykje røyk frå brannen, og naboar blei bedd om å lukke vindauge til brannen var sløkt.

– Me har kontroll på dei som budde i den andre bustaden, seier politiet.

Brannen blei meldt rundt klokka 17 i ettermiddag, da det skal ha komme kraftig røyk frå taket.

Brannvesenet tok tidleg ned flammane i taket på bygget, og hindra dermed spreiing til andre hus.