Mattilsynet har vidaresendt ei bekymringsmelding om forureining i havnebassenget i Nyksund i Øksnes kommune.
Det skriv Vesterålen Online.
– Årsak er sløying og filetering av fisk, der avfall etter dette blir spylt i havnebassenget, står det i meldinga.
Det er ei anonym bekymringsmelding som blei sendt til Mattilsynet, som igjen sendte denne vidare til Øksnes kommune.
– Det ser absolutt ikkje bra ut, seier seniorinspektør Trond Arve Nilsen i Mattilsynet.
Kommunalsjef teknisk i Øksnes kommune, Bengt Stian Nilsen, seier dei ikkje har fått sett nærare på saka endå, men at dei skal undersøke.
– Det er strenge reglar på handtering av matavfall og eg tenker at ei hamn på plassen ikkje er plassen å kvitte seg med avfall, påpeikar han til avisa.