Ovddeš sámediggeráđđi Mikkel Eskil Mikkelsen háldogiddagasas
Dan duođašta Norlándda politiijáguovllu beaiveovddasvástideaddji jurista, Eirik Magnus Blomli, NRK:ii.
Mikkelsen váldui gitta skábmamánu njealját beaivve, dieđihit politiiját.
– Mii sáhttit duođaštit, ahte áššáiduhtton olmmoš lea giddagasas. Poliitiját leat ožžon lobi doalahit áššáiduhtton olbmo skábmamánu 19. beaivái.
Maŋŋebárgga bođii diehtu das, ahte Mikkelsen geassáda ráđđelahttun vajot. Mikkelsen ovddastii Norgga Sámiid Riikkasearvvi (NSR).
Sámediggeráđđi lea dego Sámedikki ráđđehus, ja sii dat jođihit Sámedikki beaivválaš politihkkema.
NRK:s ii leat vel leamaš oktavuohta Mikkelsenain dahje su advokáhtain.
English (US)