Det nærmar seg tredje etappe i sykkelrittet Arctic Race of Norway, som laurdag går frå Husøy på Senja til Målselv, og er på 182,4 kilometer.
Dagleg leiar for Arctic Race of Norway, Knut-Eirik Dybdal, seier det vil handle om å posisjonere seg, og gjere seg klar for stiginga frå Målselv Fjellandsby, som han seier er ei tøff stiging.
Tromsø-håpet Andreas Leknessund er ein av favorittane før dagens etappe.
– Eg trur ikkje det vil bli avgjort kven som vinn Arctic Race totalt, men det kjem i alle fall til å bli lagt eit grunnlag for kven som kjemper om sigeren søndag. Det blir ei spennande etappe, seier Dybdal til NRK.
Alexander Kristoff vann den andre etappen fredag.
– Det var den etappen han kanskje hadde aller størst sjanse på å vinne, og den vann han jo. Vi såg at heile laget stilte opp for at Kristoff skulle få den sigeren, seier Dybdal.
No manglar Kristoff, som er den eldste deltakaren i sykkelrittet, berre to sigrar for å bli historisk med 100 proffsigrar før karriereslutt.
English (US) ·