Ann Jorunn Hillersøy er ny partileiar for INP - fekk ikkje støtte av eige fylkeslag

Bergenspolitikar Ann Jorunn Hillersøy er valt til ny partileiar for Industri- og næringspartiet (INP).

Partiets landsmøte vedtok det med 87 mot 45 stemmer søndag ettermiddag.

– Eg er audmjuk og takksam. Eg takkar for tilliten og gjere mitt beste for partiet, seier Hillersøy til NRK.

Ho var innstilt av valkomiteen, trass i at førre partileiar Joar Nesse ønska å halde fram i vervet. Han trakk sitt kandidatur like før landsmøtet, ifølgje BT.

Men Hillersøy fekk ikkje støtte av eige fylkeslag i Vestland, som peika på Irene Stendal Østerbø frå Alver som motkandidat til i leiarvalet. Østerbø fekk også støtte frå Telemark-laget.

INP fekk 1,6 prosents oppslutning i Norstats meiningsmåling for NRK i april.

Det har vore mykje intern strid dei siste månadane. Deira aller første partileiar Owe Ingemann Waltherzøe trakk seg i januar, og starta opp eit nytt parti.