Valle kommune har teke imot eit varsel mot kommunedirektør Vidar H. Homme, knytt til påståtte kritikkverdige forhold i arbeidsmiljøet.
Det skriv kommunen i ei pressemelding.
Ordførar Lars Tarald Myrum stadfestar at det er motteke eit varsel.
– Saka blir handtert i tråd med Valle kommune sine retningsliner for varsling. For min del er det no viktig at vi tek vare på alle partar på ein god måte, seier ordføraren.
Vidar H. Homme har vore kommunedirektør i Valle sidan 2022.
– For meg er det viktig at handteringa av varselet skjer på ein ryddig og uavhengig måte. Det ønsker eg sjølvsagt å bidra til, seier kommunedirektøren.
Det var Setesdølen som omtalte saka først.
English (US)