Warning: session_start(): open(/home/nortodco/public_html/rss4/src/var/sessions/sess_575e0d3a936e591a6e43c0ef4bec89da, O_RDWR) failed: No space left on device (28) in /home/nortodco/public_html/rss4/src/bootstrap.php on line 59

Warning: session_start(): Failed to read session data: files (path: /home/nortodco/public_html/rss4/src/var/sessions) in /home/nortodco/public_html/rss4/src/bootstrap.php on line 59
USA-senator truar oljefondet: – Det vil få konsekvensar - NorwayToday

USA-senator truar oljefondet: – Det vil få konsekvensar

1 month ago 16

– Til Noregs pensjonsfond – som er det største i verda: dykkar avgjerd om å straffe Caterpillar, eit amerikansk selskap, fordi Israel brukar nokre av deira produkt, er meir enn støytande.

– Dykkar BS (bull shit, journ. anm.) avgjerd vil få konsekvensar.

Det skriv Graham på X. Det var TV 2 som først omtalte kommentaren, og seinare også DN og E24.

Måndag denne veka vart det kjent oljefondet hadde trekt seg ut av den amerikanske anleggsmaskingiganten Caterpillar.

Selskapet har i fleire år vore under lupa, då Israel brukar bulldosarar frå Caterpillar, til å øydelegge palestinsk eigedom.

«Slik Etikkrådet vurderer det, er det ikkje tvilsamt at Caterpillar sine produkt blir brukte til å gjere omfattande og systematiske brot på humanitærretten. Selskapet har heller ingen eigne tiltak for å hindre slik bruk», skriv rådet i si tilråding om å stenge selskapet ute frå fondet.

NRK har vore kontakt med oljefondet, som ikkje ønskjer å kommentere saka.

Sidan debatt kring oljefondet sine israelske investeringar for alvor blussa opp i starten av august, har fondet trekt seg ut av fleire israelske selskap.

Caterpillar er så langt det einaste ikkje-israelske selskapet oljefondet har varsla at dei har trekt seg ut av, som følgje av debatten den siste tida.

Ved utgangen av 2024 hadde oljefondet aksjar i Caterpillar til ein verdi av 24,4 milliardar kroner.

Tidslinje om oljefondet sine israelske investeringar

Aftenposten publiserer ei lengre sak om oljefondet sin storgevinst i det israelske selskapet Bet Shemesh Engines. Eit selskap som leverer delar og driv vedlikehald av flymotorar, blant anna på Israel sine kampfly.
– Eg blir veldig uroleg når eg ser det. Eg har bedt finansministeren ta kontakt med Noregs Bank for å finne ut kva situasjonen er og korleis selskapet blir behandla, seier statsminsiter Jonas Gahr Støre i Politisk kvarter, og peiker på Bet Shemesh Engines.
Nicolai Tangen seier oljefondet investerte i Bet Shemesh Engines etter krigen på Gaza starta. Selskapet har aldri stått på noko ekskluderingsliste, seier han. MDG meiner oljefondssjefen må gå av som følgje av saka.
Jens Stoltenberg sender brev til Noregs Bank, som oljefondet er ein del av, og Etikkrådet, og ber dei gjere ein grundig gjennomgang av fondet sine investeringar i israelske selskap. Svarfrist blir sett til 20. august.
Finansdepartementet vart allereie i slutten av juni varsla om oljefondet sine investeringar i både Bet Shemesh Holdings, men også ei rekke andre selskap, av nettavisa FriFagbevegelse.
Leiar i Etikkrådet, Svein Richard Brandtzæg, stadfestar at Etikkrådet tidlegare har vurdert Bet Shemesh Engines. Rådet vurderte ikkje at det var grunnlag for å stenge selskapet ute, fordi dei oppfatta det som eit selskap som kun leverte delar til flymotorar, og ikkje dreiv med vedlikehald.
Finansminister Jens Stoltenberg møter sentralbanksjef Ida Wolden Bache og oljefondssjef Nicolai Tangen til krisemøte om saka. Stoltenberg understreker at ting må skje raskt.

Foto: Ole Berg-Rusten / NTB
Oljefondet varsler Israel-oppdatering under Arendalsveka.
Finansminister Jens Stoltenberg møter sentralbanksjef Ida Wolden Bache og oljefondssjef Nicolai Tangen på ny for eit krisemøte. – Hensikta med møta er å sørge for at alvoret er fullt ut forstått, seier Stoltenberg.
Oljefondet varsler at dei har selt seg ut av elleve israelske selskap, blant dei Bet Shemesh Engines. Dei elleve selskapa har dei sjølv aktivt investert i, og er ikkje på Finansdepartementet sin referanseindeks, eller handleliste. Fondet avsluttar også samarbeidet med tre eksterne israelske forvaltarar.
Oljefondssjef Nicolai Tangen tek sjølvkritikk, men meiner fondet ikkje har brote retningslinjer ved å vere investert i fleire israelske selskap. Sidan utgangen av juni har fondet på dette tidspunktet selt seg ut av 17 israelske selskap, opplyser Tangen på ein pressekonferanse under Arendalsveka.
Kontrollkomiteen på Stortinget ber finansminister Jens Stoltenberg svare på fleire spørsmål om oljefondet sine investeringar i Israel. Han får frist til 21. august med å svare.
SV, Raudt, Venstre og MDG ber i felleskap om at regjeringa på ny må gjere greie for oljefondet sine investeringar i Israel for Stortinget, og ba om eit ekstraordinært møte om saka. Det ville ikkje stortingspresident Masud Gharahkhani gå med på. Han meiner det held at saka blir behandla når Stortinget samlast i oktober.
Oljefondet har svart på brevet frå finansminister Jens Stoltenberg. Etter ein gjennomgang, har fondet valt å selje seg ut av ytterlegare seks mindre israelske selskap. I tillegg stenger oljefondet ute seks selskap til, etter tilrådingar frå Etikkrådet. Med det er oljefondet snart ute av totalt 23 israelske selskap etter saka for alvor sprakk.