To lettare skadd etter at Widerøe-fly blei råka av turbulens

Det var VG som meldte dette først.

– Vi har hatt ein flyging frå Bergen til Molde som opplevde kraftig turbulens på turen, og måtte returnere til Bergen.

Det seier Silje Brandvoll. Ho er direktør for kommunikasjon i flyselskapet.

Ein passasjer og eit besetningsmedlem fekk lettare skadar.

– Dei blei møtt av helsepersonell på bakken og får hjelp, seier Brandvoll.

Ho fortel vidare at passasjerane som var med flyet får snakke om det som har skjedd og høve til å stille spørsmål.

– Dei blir lagt inn på hotell i kveld og så blir dei booka om til ein ny flight i morgon, seier Widerøe-sjefen.

Det var 62 passasjerar om bord på Widerøe-flyet.