Salet av Tesla-bilar i Europa falt med 45 prosent i januar i år mot same månad i fjor. Det skriv Financial Times.
Tesla selde berre 9900 bilar i Europa førre månad, skriv avisa.
Samstundes kjøpte europeiske forbrukarar 166.000 batteridrivne elbilar i januar, ei auke på 37 prosent frå i fjor.
Tesla-eigar Elon Musk har vore i hardt vêr den siste tida. Det mange meiner var ei nazi-helsing og støtte til ytre høgre-partiet AfD i Tyskland bidreg til kontroversane.
I Noreg har fleire teke til orde for Tesla-boikott, og enkelte ønskjer å kvitta seg med bilane sine.
English (US)