Stor leiteaksjon på Høylandet: Mann i 60-åra har vore sakna i over eit døgn

Då han ikkje kom heim som avtalt, meldte familien mannen sakna laurdag kveld.

Han gjekk ut døra i 11-tida laurdag formiddag, og sidan har ingen sett mannen.

– Det er sett inn store ressursar i søket etter mannen. Sar Queen bidreg også i søket.

Det opplyser operasjonsleiar Martin Hammervik Aarhoug, laurdag kveld.

Søndag held søket etter mannen fram med like store ressursar.

Ifølge Namdalsavisa blir det leita med same styrke søndag klokka 18:30.

Leiteaksjonen held fram utover natta

– Me fortset søket vidare gjennom kvelden og natta, og har framleis trua på å finne mannen i god behald. Tida jobbar mot oss, men samtidig har vêret spelt på lag med oss.

Det seier innsatsleiar Morten Heggdal til Namdalsavisa søndag kveld.

– Og det gjer at det framleis er høg motivasjon til å finne mannen i god behald.

– Mannskap frå Røde Kors, frå Sivilforsvaret, frå Norsk Folkehjelp og politiet deltar aktivt i søket. I tillegg til frivillige som har meldt seg og som ønsker å delta. Søket går føre seg både i busett område og ut i terreng.

Det seier innsatsleiar operasjonsleiar Bjørn Rune Sellgren til Adresseavisen søndag.

– Målet vårt er å finne han så fort som mogeleg. Det er difor me bruker så mykje ressursar på det. Det er fullt trykk, og det har det vore heilt sidan han blei sakna, legg innsatsleiaren til.

Ber om tips

Politiet ber folk i området undersøke om den sakna kan ha tatt tilhald i buer, uthus, garasjar og hagar.

I tillegg ber dei om tips frå folk som kan ha opplysingar om vedkommande.

– Mannen har ei mørk, grøn jakke, svart overtrekksbukse, ca. 173 cm høy, beskriv operasjonsleiar Martin Hammervik Aarhoug.