Ny rapport: EU-krav er «skivebom» for Noreg

Frida Skauvik Aune

Gamle data frå Spania

Prislappen EU støttar seg på, stammar frå éi enkelt undersøking i Valencia med tal heilt tilbake frå 2004. Det er eit tynt og utdatert grunnlag for å vurdere nytten i norske kommunar i dag. Å bruke tjue år gamle tal frå ein heilt annan del av Europa for å tvinge fram milliardfest i norske kommunar, gir lite meining for norske skattebetalarar.

Snorre Tønset / NRK

Norsk natur er unik

Noreg har ein lang kyst med dype fjordar og kaldt klima. Store vassmengder i havet spreier og fortynnar utsleppa naturleg. I Spania renn vatnet ofte ut i sårbare våtmarker, men i Noreg endar det i Atlanterhavet. Miljøgevinsten ved ekstremreinsing her er minimal, og kaldt vêr gjer i tillegg at den biologiske rensinga blir både dyrare og dårlegare.

Veas

Gløymer kva vatnet blir brukt til

EU ser seg blind på tonn med utslepp i staden for å sjekke om vatnet faktisk blir brukt til bading, fiske eller friluftsliv. Kva verdi reinsinga har for folk flest, kjem heilt an på korleis lokalmiljøet brukar vatnet. Eit reknestykke som berre ser på kjemikaliar og ikkje på menneska og velferda deira, gir eit skeivt bilete av den faktiske nytten.

Hias

Noreg er allereie i mål

Vi har allereie brukt store summar på strenge krav, særleg for fjerning av fosfor. Mange norske vassdrag er i god stand, og risikoen for overgjødsling er låg. Då gir det nesten ingen ekstra gevinst å pøse inn nye milliardar. EU si metode gir lik poengpott for kvart kilo fjerna dritt, uansett om fjorden er krystallklar eller allereie heilt døyande.

William Jobling / NRK

Gunn Marit Helgesen, styreleiar i KS

Rapporten viser at éi løysing ikkje passar overalt. Sidan norske forhold skiller seg frå dei europeiske, treng vi kunnskap tilpassa våre vannførekomstar. For å nå miljømåla effektivt må tiltaka vere treffsikre; når nye krav skal bli til konkrete investeringar lokalt, er det avgjerande å vite kvar innsatsen faktisk gir størst miljøeffekt.

Javad Parsa / NTB

Trygve Slagsvold Vedum, Sp-leiar

Det er uhaldbart når mange innbyggarar kan få ei gigantrekning gjennom auka avløpsgebyr. Derfor er det viktig at eit fleirtal på Stortinget går inn for at regjeringa må greie ut kostnadene av dette EU-direktivet. Senterpartiet vil sette makt bak krava overfor EU om å stoppe denne milliardrekninga som regjeringa heilt unødvendig vil sende til folk langs kysten.

William Jobling / NRK

Marius Dalin, stortingsrepresentant for MDG

Betre kloakkreinsing vil koste pengar, men det må til for å bevare natur og fiskeressursar. Det trur eg alle interesserte i. samtidig er det viktig å tilpasse dette til ilpasning til norske forhold og vi bør ha grundigare kostnads- og CO₂-analysar.

Tom Balgaard / NRK

Helge André Njåstad, stortingsrepresentant for Frp

Noreg har éin gong før brukt vetoretten sin overfor EU. No har vi ein ny situasjon der vi av omsynet til hushalda sine utgifter, kunne tenkt oss meir EU-tilpassing. Kvifor er det viktigare med staten sine utgifter enn hushalda?