Det er vår i lufta fleire stader i Noreg.
Neste veke bikkar det nesten 20 grader fleire stader, kan statsmeteorolog Charalampos Sarchosidis forsikre.
– Det er nok Austlandet som har best sjansar, men varmen går innover heile Sør-Noreg.
Meteorolog Charalampos Sarchosidis.
Foto: PrivatTar du ferie éin dag før 1. mai er derimot vêr-sjansane enda betre. Da er nemleg både Sør-, Midt- og Vest-Noreg temperatur-vinnarar.
– Onsdagen blir ein flott dag sør for Bodø. Det er eit stort område som høgtrykket sørger for, seier han.
Den varme onsdagen kjem av sønnavinden, som vil gi varmt vêr i dalane og i fjordane.
– Det blir ei veldig fin og vårleg veke som vil gi oss ein smak av sommar.
Sjå bilde av vårvêret rundt om i Noreg i bildegalleriet under.
Det spirer og gror på Varhaug på Jæren onsdag, melder fotografen Audhild Adele Vold.
Foto: Audhild Adele VoldDet ser ut som det blir ein solskinsdag igjen på Skatval i Trøndelag, skriv fotografen Sidsel Helen Walla Saasen onsdag.
Foto: Sidsel Helen Walla SaasenOg no begynner desse flotte blomstrane å sprette opp🌼 i Flå i Hallingdal, melder fotografen Bente Damengen Tollefsen.
Foto: Bente Damengen TollefsenVår og sol i Drøbak by, melder fotografen Laila Wilhelmsen.
Foto: Laila WilhelmsenVi har stadig besøk av snøbyer her i Hadsel, Vesterålen melder fotografen Mary Ann Holm.
Foto: Mary Ann HolmVårstemning i Drøbak. Fotograf er Laila Wilhelmsen.
Foto: Laila WilhelmsenKoven (Kvæfjord, Troms) tirsdag ettermiddag. Det blir meldt om 130 cm snø. Foto: Henrik Einangshaug, NRK
Foto: Henrik Einangshaug / NRK
Godt vêr på fridagen
Dei heldigaste på sjølvaste fridagen (men først og fremst arbeidarane sin dag) 1. mai er områda Arendal, Innlandet og Kongsvinger mot svenskegrensa.
Der det blir kaldast er i Troms.
I Grenland i Telemark er det mange som gler seg over utsiktene til høge temperaturar frå 1. mai.
Sjå fleire av dei i denne bildeserien:
Fredrik Pedersen / NRK
Thea Eliassen
– Eg har tenkt å vere med venner og å jobbe litt. Og kanskje vere på stranda og kanskje noko fest, seier ho om planane for finvêret.
Som russ liker ho at varmen gjer det mogleg å vere ute litt lettare kledd.
– Eg hadde ikkje vore så glad om eg hadde snø under russetida, seier ho.
Fredrik Pedersen / NRK
Olav Hanto
– 20 grader er varmt det. Men kven har bestemt at sol og varme er likestilt med fint? Eg er allergikar og synest av og til det er kjempefint med regn og kulde og sånt, seier han.
Hanto liker kulde om vinteren og varme om sommaren.
– På 1. mai må vi vel synge nokon arbeidarsongar og kose oss ute. Vi må nyte sola òg, eg meiner det altså, seier han.
Fredrik Pedersen / NRK
Kjell Ove Almenning
– Kan det bli betre? seier han om utsiktene til opptil 20 grader.
– Det er nydeleg å få komme ut og få trene etter det dårlege vêret vi har hatt i påska, seier Almenning, som helst vil trene ute tre dagar i veka.
På 1. mai skal ha stille opp for veteranane og ha avdukninger i Grenland. Blir det fint ver vidare, ønsker han seg utepils og prosecco.
Fredrik Pedersen / NRK
Erle Andersen Hafreager og Hanna Gimre Lia
– Det blir hundetrening og litt jobb, seier Lia om kva ho skal bruke finvêret til.
Fridagen går med til tur og hundetrening.
Snø er ho glad ho slepper, spesielt med tanke på at ho skifta dekk onsdag.
Frå «vinter til haust» i Nord-Noreg
Bur du lenger nord, er du kanskje lei av å moke.
I så fall kan meteorologen gle deg med at snøen forsvinn – dessverre til fordel for regn.
– Noreg vil slite, eller plagast, med snøbyer fram til og med helga. Men, etter helga vil temperaturen gradvis stige. Da er det moglegheiter for at lågtrykket inn mot Nord -Noreg vil ta med regn i staden for snø.
Sarchosidis åtvarar og seier at det i Nord-Noreg kan bli sterk vind frå sørvest, og særleg vindfullt på kysten. Så det er greitt å vere obs på.
Finnmark er best skåna for regnet, men det er Nordland som er den store varme-vinnaren i Nord.
Det kan gradestokken komme opp i 7 -10 grader.
– Men minusgradene forsvinn fleire stader i Nord-Noreg. Så vi kan samanfatte med at det går frå vinter til haust i Nord-Noreg, seier Charalampos Sarchosidis.
Publisert 23.04.2025, kl. 20.00
English (US)