– Noreg er i dag ein verdifull og uunnverleg partnar for europearanes og franskmennenes kollektive tryggleik, seier den franske presidenten Emmanuel Macron.
Saman med statsminister Jonas Gahr Støre (Ap) heldt han eit kort pressemøte i Paris onsdag kveld. Det skjedde i samband med at Noreg og Frankrike onsdag inngjekk ei forsvarsavtale og samarbeid om atomvåpen.
Avtala går ut på at begge landa forpliktar seg til å hjelpa den andre ved behov, også militært.
– Eg vil uttrykka kor sterkt Frankrike verdset vennskaps- og tillitsbanda som har foreint statane våre i 120 år, og våre nasjonar og folk i endå lengre tid, sa presidenten.
Støre har omtalt avtala som historisk, men fleire av samarbeidspartia til regjeringa er svært kritiske til ho.
English (US)