Kvinne drap sin eigen far – la igjen lapp med tilståing

2 hours ago 4

Ei kvinne i 40-åra er tiltalt for å ha drepe sin eigen far med saks. Torsdag starta saka i retten.

Svanhild Bøe

Torsdag 16. januar kl. 10:28

– Dette er på mange måtar ei enkel sak. Det er på det reine at tiltalte drap sin far.

Det seier statsadvokat Cecilie Schløsser Møller. Ho er aktor i saka.

– Handlinga er motivert av vrangførestillingar. Eg ynskjer ikkje utdjupe kva vrangførestillingar det er snakk om, fortel statsadvokat Cecilie Schløsser Møller.

Ho opplyser om at ho kjem til å legge ned påstand om at den tiltalte kvinna vert dømt til tvungen psykisk behandling.

– Det er på det reine at ho var psykotisk då gjerninga var gjort, og er å anse som utilrekneleg. Ho kan ikkje straffast for handlinga.

Tiltalte erkjenner ikkje straffskuld.

Ifølgje tiltalen skal mannen ha blitt utsett for både stikkskadar og kveling. Shcløsser Møller fortel at dødsårsaka er begge deler.

Vanskeleg å få ei forklaring

Mannen i 80-åra vart funnen med stikkskadar i halsen av heimesjukepleia den 29. februar 2024 i sin bustad på Sandaker.

Kvinna, som er dotter av den drepne mannen, vart tidleg knytt til handlinga og raskt pågripen av politiet på sin eigen bustad.

Då erkjente ho ovanfor politiet at ho hadde drepe sin far i sjølvforsvar. Tiltalte opplyste også om kvar ho hadde kasta saksa.

Politiet fann også ein lapp i leilegheita til tiltalte der ho hadde skrive at ho hadde drepe sin far.

– Me har eit godt bilete av kva som skjedde, men ikkje fullt ut. Det er fordi det har vore vanskeleg å få ei forklaring ifrå tiltalte fordi ho var, og er, sjuk, opplyser statsadvokat Schløsser Møller.

– Uforskyldt og alvorleg psykisk sjuk

– Denne saka handlar om uforskyldt og alvorleg psykisk sjukdom, understrekar forsvarar Bjørn Rudjord.

Det er gjort ei rettspsykiatrisk undersøking som gir grunn til å anta at den tiltalte kvinna var strafferettsleg utilrekneleg då drapet vart gjort. Om retten konkluderer med at ho var utilrekneleg, kan ho ikkje straffast.

– Dette er ei veldig vanskeleg og krevjande sak, fortel bistandsadvokat for dei etterlatne, Ellen Dannevig Abrahamsen. Ho møter for Brit Kjelleberg i retten.

Under gjerningstidspunktet var tiltalte under behandling

Read Entire Article