Kraftig brann i trehus i Fredrikstad

Politiet jobbar med å få oversikt på bebuarane.

Trehuset har fleire leilegheiter og ligg i St. Croix-området i Fredrikstad sentrum.

Politiet meldte om brannen klokka 00.27 natt til laurdag.

Brannvesenet er på staden med seks brannbilar, og fleire er på veg. Det opplyser vaktleiar Leif Høyland i 110-sentralen Øst.

– Det brenn framleis godt i bygget. Vi har starta med sløkking. Vi har røykdykkarar som jobbar med å få søkt gjennom bygget, seier Høyland til NRK.