Jens Stoltenberg vil fortsette som finansminister etter valet

I eit intervju med E24 seier finansminister Jens Stoltenberg at han vil halde fram i jobben dersom veljarane vil ha fire nye år med Støre som statsminister.

– Eg går til val for å få regjeringa attvalt og vil fortsette i norsk politikk. Så er det veljarane som bestemmer, seier Stoltenberg.

– Men eg har ingen andre planar. Eg trivst i Finansdepartementet.

I byrjinga av februar annonserte statsminister Jonas Gahr Støre at Jens Stoltenberg kom tilbake til norsk politikk etter ti år som Natos generalsekretær.

Det skjedde etter at Senterpartiet gjekk ut av regjering.

– Ingen frist

Etter Stoltenberg gjekk av som Natos generalsekretær fekk han jobben som leiar sikkerheitskonferansen i München (SCM).

Då Stoltenberg blei finansminister, blei det kjent at han ville ta permisjon frå rolla som styreleiar for sikkerheitskonferansen i München.

– Vi er glade for at Stoltenberg trivst i rolla som finansminister, seier Benedikt Franke, administrerande direktør i SCM, til NRK.

Prestisjekonferansen som gjekk føre seg i slutten av februar skapte store overskrifter då USAs visepresident J.D. Vance gjekk til frontalangrep på Europa.

Stoltenberg snakka då med USAs visepresident om viktigheita av å unngå handelskrig.

Franke seier han ønsker Stoltenberg velkommen tilbake i stillinga som styreleiar i konferansen når han går ut av norsk politikk.

– Vi har ikkje gitt oss sjølve eller han ein frist, seier Franke.