Innbrot hjå Alan Walker: – Har stole dyrt og viktig utstyr

Ein mann tok seg onsdag morgon inn i «Villa Walker» på Frogner i Oslo, melder Bergensavisen.

Klokka 10.40 melder politiet at mannen er tatt av politiet.

– Vi har pågripe ein mann som braut seg inn i ei bedrift i Josefines gate i morgontimane i dag, opplyser politiet til NRK.

Eigedomen i Homansbyen fungerer som både kontor, studio og leilighet for artisten Alan Walker.

Innbrotet blei avbrote av vaskepersonale som kom på jobb, men tjuven fekk med seg maskiner, minnebrikker og RAM-kort.

– Han stjal dyrt og viktig datautstyr, og ribba maskiner for viktige minnebrikke og RAM-kort. Dei er heilt avgjerande for å kunne gjere jobben vår, seier manager Gunnar Greve.

Ifølgje manager Gunnar Greve skjedde hendinga ved 06.30-tida onsdag morgon. Tyven skal ha forsynte seg med betydelege mengder utstyr før han vart oppdaga.

Politiet i Oslo stadfestar at dei fekk melding om hendinga klokka 06.45.

Då dei kom til staden, var gjerningspersonen borte, men politiet fann spor som leidde dei til ei adresse i nærleiken.

– Vi fann noko av tjuvegodset, men har ikkje funne tyven, seier operasjonsleiar Rune Hekkelstrand til avisa.

Manager Greve er svært nøgd med politiet sin innsats.

– Det hjelper å vere rask og ha godt overvakings- og alarmsystem. Heldigvis viser norsk politi seg frå si best tenkelege side, seier han til NRK.

Politiet fann ein del av tjuvgodset på den mistenkte mannen i 40-åra.

– Vi har jo heldigvis ting fleire stader, men det er maskiner med plugins og presets, som då i utgangspunktet gjer det vanskeleg å berre bruke råfilen frå skya, seier Gunnar Greve.

Han seier vidare at situasjonen er litt uoversikteleg no.

– Men det er i alle fall bra at han er tatt, seie Greve.