Harvard university fordømmer avgjerda frå det amerikanske sikkerheitsdepartementet om å trekkje tilbake universitets godkjenning for å ta imot utanlandske studentar. Det melder Reuters.
Trump-administrasjonen stansa torsdag universitets moglegheit til å ta opp internasjonale studentar, ifølge avisa New York Times, som har snakka med tre anonyme kjelder med «kjennskap til saka».
Det amerikanske sikkerheitsdepartementet (U.S. Department of Homeland Security) opplyser at Harvard ikkje lenger kan ta inn utanlandske studentar, og noverande utanlandske studentar må overførast, skriv Reuters.
Trump har skulda Harvard for å ikkje verne jødiske studentar godt nok og for å tillate antisemittisme på campus.
Universitetet har sjølv lagt fram to rapportar der det kjem fram at både jødiske og muslimske studentar kjenner seg utrygge og utsett for fordommar på campus.
Trump har også kravd at universitetet avviklar sine mangfalds- og inkluderingsprogram, som han meiner fremjar ideologisk einsretting.
English (US)