Betongvegg i gjødselkjellar kollapsa – store mengder kumøk har runne ned på europaveg

Ein betongvegg på ein gjødselkjellar i Sunnfjord kollapsa onsdag morgon. Gjødselkjellaren ligg mellom Langhaugane og Morskog.

– Det me veit så langt er at møk skal ha runne ned på E39, fortel vaktkommandør Helge Lund ved 110 Vest til NRK rett etter 07.30.

Førebels har brannvesenet fått opplyst at 1500 liter skal ha runne ut.

Dette skal ha skapt problem for trafikken på staden.

Brannvesenet er på veg til staden for å få oversikt over omfanget.

– Vegtrafikksentralen er varsla. Dei sender entreprenør, opplyser operasjonsleiar Helge Blindheim i Vest politidistrikt.