Ord som «vegetarianar» og «veganar» hindrar forståing

Foto: Privat

For mange er såkalla veganisme ikkje eit spørsmål om kosthald eller klima, men ein djup livsfilosofi som fokuserer på å redusera utnytting av dyr. Dette inneber å avstå frå å betrakta dyr som varer eller objekt. Diverre kan ord som veganar og vegetarianar vera forvirrande eller knytt til fordommar, noko som hemmar forståinga av rørsla sine kjerneverdiar.

Eg meiner at vi bør vera bevisste på bruken av desse omgrepa. Viss ein venn spør meg kvifor eg føretrekkjer havremjølk framfor kumjølk, er det ikkje nok å seia «fordi eg er veganar». Eit betre svar kan vera: «Fordi eg ikkje ønskjer å støtta industriell mjølkeproduksjon, der ku og kalv blir skilde, og kyr blir drepne når dei ikkje er lønnsame.» Slik gir eg vennen min ei djupare forståing av kva veganisme eigentleg inneber.

Bevisstgjering på kva som ligg bak ord som veganar, er heilt nødvendig og i tråd med sjølve essensen av veganisme, nemleg å minimera utnyttinga av kjenslevare dyr så mykje som mogeleg. For å synleggjera dei viktige spørsmåla bør vi unngå å lita for mykje på enkeltomgrep då dette kan undertrykka viktig informasjon.