Når blodtåka no har lagt seg, gjenstår eitt spørsmål

Illustrasjon: Christian Bloom

Uansett kva gale nokon har gjort, så skal det vere mogeleg å forestille seg eit liv etterpå.

Det rykker i rettsteiknaren idet den hovudtiltalte skuleflinkt framfører at han har forstått at det han har gjort, var galt. No vil han sone straffa si. Etterpå vil han tilbake ut i jobb og bidra til samfunnet. Rettsteiknaren kjenner instinktivt på ein sterk uvilje mot at mannen skal få lov til å bidra med noko som helst etter det han har gjort.

Samtidig må ho erkjenne at han jo har heilt rett: Det felles målet for samfunnet er at dei som har gjort noko gale, skal ta straffa si og deretter kome ut og bidra til samfunnet.