Lukta var ikkje til å misforstå – dette fann politiet då dei slo til

Bergens Tidende skriv at ein mann i 20-åra har tilstått og forklart at han og fleire andre dyrka cannabis gjennom fleire år.

Produksjonen starta i det små i 2022, men auka etter kvart. Då politiet slo til mot huset i Fana bydel i april i år, fann dei dette:

Minst 175 cannabisplantar og 7,39 kilo ferdig hausta cannabis.

– Vi blei varsla av eit vitne som hadde reagert på lukt og korleis bustaden såg ut. Då politiet kom til staden, kunne betjentane også kjenne ei sterk cannabislukt utanfor husveggen der plantasjen var, seier politiadvokat Benjamin Larsen til TV 2.

KJENTE LUKT: Det var kanskje ikkje så rart at det gjekk an å lukte seg fram til denne cannabisplantasjen i Fana i Bergen. Foto: Politiet

KJENTE LUKT: Det var kanskje ikkje så rart at det gjekk an å lukte seg fram til denne cannabisplantasjen i Fana i Bergen. Foto: Politiet

KJENTE LUKT: Det var kanskje ikkje så rart at det gjekk an å lukte seg fram til denne cannabisplantasjen i Fana i Bergen. Foto: Politiet

Frodig

TV 2 var til stades då cannabisfarmen vart sikra av politietterforskarar og boren ut av huset i Bergen.

Plantene vart plassert i ein tilhengar og vidare køyrt ned på ein grusplass i nærleiken der det stod ein konteinar.

Sveip for å sjå fleire bilete av beslaget:

MYKJE: Det vart frodig utanfor bustaden under beslaget i april. Foto: Ole Enes Ebbesen / TV 2

SIKRA: Cannabisplantene vart først plassert på ein tilhengar og så køyrd ned til ein kontainar. Foto: Ole Enes Ebbesen / TV 2

FULLT: Kontainaren fylte seg raskt opp med beslaget frå cannabisfarmen. Foto: Ole Enes Ebbesen / TV 2

Strafferabatt

Mannen som no er dømd får rundt ti månader strafferabatt fordi han har tilstått. 

Difor enda dommen på to år og to månadar fengsel.

Han har vore fengsla i over 260 dagar sidan pågripinga. 

Under fengselsopphaldet har han teke fagbrev og ynskjer no å halde fram med utdanninga.

– Han vil ta ansvar for det han har gjort, seier mannens forsvarer, Alexander Sele, til Bergens Tidende.

Til TV 2 påpeikar Sele at påstanden frå politiet var på 3,5 års fengsel.

«Cannabishuset» solgt: Så høy ble prisen

– Profesjonelt

To andre er også sikta i saka, ein mann i 30-åra og ei kvinne i 20-åra. Sakene mot dei har ikkje gått for retten enno. 

Kvinna sin forsvarer, Kim Villanger, seier til BT at ho ikkje erkjenner straffskuld.

I tilståingsdommen mot mannen i 20-åra skriv retten at produksjonen verka nøye planlagt og hadde eit profesjonelt preg. 

Det var installert lys, ventilasjonsrøyr og straumaggregat inn til plantasjen. Cirka ein million kroner av inntektene frå salet gjekk til innkjøp av utstyr.

Dei 175 cannabisplantene ville ifølge retten gitt nesten 10 kg med røykbart materiale.

Det er Statsadvokaten som tek endeleg stilling til om tilståingsdommen skal godtakast eller ankast.

DISKUSJON: I samfunnet går debatten om avkriminalisering og/eller legalisering av cannabis. Fleire er tilhengarar av det. Her er ein tilhengar med cannabis. Foto: Ole Enes Ebbesen / TV 2