Krev høgt­lesing av 940 sider langt budsjett­forslag

Laurdag stemte Senatet for første gong over USA sin president Donald Trump sitt budsjettforslag.

Etter mange forseinkingar og intense forhandlingar, enda avstemminga med republikansk fleirtal.

Det 940 sider lange forslaget blei sendt ut etter midnatt fredag kveld.

Det var upopulært blant Demokratane.

– Vi blir her heile natta

Republikanarane har det travelt med å få vedteke det 940 sider lange lovforslaget.

Trump har sett sin eigen frist til 4. juli, for å få forslaget vedteke.

Trump ønsker mellom anna skattelette, meir pengar til kontroll av innvandring og kutt i &nbsp;kan f&aring; tilbodet.</p> " data-term="Medicaid">Medicaid.

Politikarane i det republikansk-kontrollerte Senatet, fekk under eitt døgn på å lese gjennom budsjettforslaget.

No krev han at budsjettforslaget blir lese gjennom i fellesskap.

Det før debatten kan byrje og ei endeleg avstemming kan gjennomførast.

Ifølge Demokratane er lovforslaget eit skattekutt for dei rike, finansiert ved å kutte i tilbod for arbeidarklassen.

– Republikanarane vil ikkje fortelje kva som står i forslaget. Derfor tvinger Demokratane fram at heile forslaget skal bli lese opp frå start til slutt i salen.

– Vi blir her heile natta dersom det er det som trengst for å få det lest, skriv Schumer på X.

Det er anslått at ei høgtlesing vil ta mellom 10 og 15 timar å gjennomføre.

Omdiskutert budsjettforslag

Lovforslaget er kontroversielt også blant Republikanarar.

Forslaget legg opp til omfattande kutt i sosiale ordningar, som Medicaid og matkupongar.

Nasjonal sikkerheit vil i forslaget få 350 milliardar dollar, og det er forslag om å halde fram med Trump sine massedeportasjonar.

Kongressen sitt uavhengige budsjettkontor, anslår at prisen på tiltaka i forslaget vil ha ein prislapp på omtrent 3800 milliardar dollar over ti år.

Det vil auke den amerikanske statsgjelda med 2400 milliardar dollar.

Rand Paul er blant dei som har kritisert forslaget.

Han meiner at lovforslaget «ikkje løyser gjeldsproblemet».

Det fall ikkje i god jord hos presidenten.

– Kva er gale den denne fyren, skriv presidenten om Paul på Truth Social.

Presidenten tok også til sosiale medium, då senator Thom Tillis kritiserte kutt i Medicaid.

– Thom Tillis gjer ein stor feil for Amerika og dei fantastiske innbyggarane i Nord-Carolina, skriv Trump på Truth Social.

Usemje mellom Musk og Trump

Også Elon Musk kritiserer budsjettforslaget.

– Det siste utkastet til lovforslag i Senatet vil øydelegge millionar av jobbar i Amerika, og påføre landet vårt stor strategisk skade, skriv Musk på X.

– Fullstendig vanvitig og øydeleggande. Det gir støtte til gårsdagens næringar, samtidig som det skadar framtidas.

Presidenten sjølv var godt nøgd med utfallet av avstemminga.

– I kveld såg vi ein stor siger i Senatet med den flotte, store og vakre lova, skriv han på Truth Social.

Det er framleis uvisst om forslaget blir vedteke eller ikkje.

Interessert i meir frå utanriks?

Høyr podkasten vår her: