Barn fødde på «feil» tidspunkt har likevel krav på barnehageplass. Resultatet av barnehagesaka blir ein millionsmell for Narvik kommune, skriv avisa Fremover.
Saka har bakgrunn i fleire månader med konflikt og usikkerheit rundt finansieringa av private barnehagar. No har Narvik kommune snudd i den såkalla barnehagesaka. Konflikta grunnar i kor vidt kommunen skal gi tilskot til private barnehagar for barn som ikkje har lovfesta rett til plass.
PBL har argumentert for at dei har rett på tilskot også for desse barna, mens kommunen tidlegare har hatt ei anna forståing.
Kommunalsjef Tommy Eide stadfesta i torsdagens kommunestyremøte at Narvik kommune har feiltolka regelverket for tilskot til barn utan lovfesta rett til barnehageplass – som har resultert i ein millionsmell for kommunen.
– Eg beklagar sterkt. At eg som ansvarleg for matematikken, måten det er lagt fram på, og korleis vi har kommunisert med PBL. Det kunne ha vore gjort på ein betre måte. Kunnskapsnivået har ikkje vore godt nok. Det kan ha ein konsekvens for oss, erkjente Eide frå talarstolen ifølge avisa.
Han erkjente der at private barnehagar etter dagens lovgjevnad har rett til å ta inn barn uavhengig av om barnet er definert som eit barn med rett til plass etter barnehagelova.
Kommunen estimerer at budsjettet for 2025 vil mangle rundt tre millionar kroner som følge av dette.
English (US)