Her står planken bom fast i kjellerdøra

Som TV 2 tidlegare omtalte måndag, vart eit nabolag i Odda særleg hardt råka av det kraftige uvêret i vest søndag kveld.

Gunnar Isachsen fekk eit heilt garasjetak i husveggen. Til TV 2 fortalde han at også naboen har fått skader på huset av det same flygande taket.

– Vi har fått ei lekt gjennom kjellerdøra. Den står bom fast og rekk 30 centimeter inn i gangen på innsida, seier naboen, Geir Tupsjøen.

Han er vekke på arbeid. Difor var det kona Trude Merete Bjotveit som høyrde braket då garasjetaket framfor huset deira losna i går kveld.

– Ho trudde først det var eit jordskjelv. Det var eit veldig smell, seier Tupsjøen.

Trefte deira hus først

Lekta stammar frå bølgeblikktaket som kom flygande.

Men der plankebiten gjekk i kjellerdøra, trefte resten av taket toppen av huset deira. Der manglar det fleire skiferstein.

TAKSTEIN VEKKE: I front ligg blikktaket som Gunnar Isachsen fekk i husveggen. På toppen av huset framfor kan ein sjå at det manglar fleire takstein. Det ligg også lektrestar der. Foto: Gunnar Isachsen

– Taket er berre nokre år gamalt, så det er ergeleg. I tillegg ligg det restar av blikk i hagen, seier Tupsjøen.

Han legg til at det må ha vore store krefter i sving når ei lekt «skyt seg» inn i ei dør på denne måten.

FARLIG: Denne treplanken kunne gjort skade om den trefte folk. Lekten står 30 centimeter inni gangen på innsida av døra. Foto: Trude Merete Bjotveit.

– Det er berre flaks at ikkje kona var ute i hagen vår. Det er der vi hentar veden vår.

Mats (14) i flytrøbbel: – Vi ble kastet rundt

Blir litt å rydde

Etter at garasjetaket trefte huset deira, sigla det altså inn i husveggen til Gunnar Isachsen i gata bak.

Dermed blir det litt oppryddingsarbeid på naboane i Odda.

STRØDD: Takstein og bølgeblikktak ligg strødd i uteområdet til ekteparet i Odda. Foto: Trude Merete Bjotveit.

STRØDD: Takstein og bølgeblikktak ligg strødd i uteområdet til ekteparet i Odda. Foto: Trude Merete Bjotveit.

STRØDD: Takstein og bølgeblikktak ligg strødd i uteområdet til ekteparet i Odda. Foto: Trude Merete Bjotveit.

– Eg har vore i kontakt med forsikringsselskapet. Kjellerdøra er jo eigentleg det minste problemet. Vi er litt meir spente på korleis skadane på taket er, seier Tupsjøen.

MYKJE: Det er komt jord, steinar og tre ned på vegane i Vestland fleire stader. Her på riksveg 13 nord for Odda. Foto: Jens Tveit, geolog i Statens vegvesen

Foto: Jens Tveit, geolog i Statens vegvesen

Veldig blautt

Elles i Odda er situasjonen no at bygdebyen ikkje lenger er isolert. 

Både riksveg 13 ved Skare i sør og fylkesveg 550 ved Måge i nord er opna for trafikk igjen.

Men på austsida av Sørfjorden, langs riksveg 13 nord for Odda, gjenstår ein god del ryddearbeid. Der møtte TV 2 sin reporter ein geolog like etter klokka 14.00.

Fleire stader har det kome jordskred og masser ned i vegbana.

– Det er veldig, veldig blautt i fjellsidene. Det fører til skred. Det er jo ein grunn til at folk blir oppmoda om å ikkje køyre når det er slike forhold som dette, seier geolog Jens Tveit til TV 2.