Det burde vere hjartestartarar i Helgelandstrappa på 4.000 trappetrinn.
Det seier Willy Andrè Engås til avisa Helgelendingen.
Engås har jobba i ambulansetenesta i 32 år og er opptatt av at vanlege folk kan bistå i nødstilfelle.
– Det er heilt klart eit behov for hjartestartarar overalt, og det er bra at det kjem fleire og fleire. I Helgelandstrappa har vi opplevd auke i tal oppdrag for oss i ambulansetenesta, og etter den siste hendinga tenker eg at no må vi få ut hjartestartarar og førstehjelpsutstyr i sjølve trappa, seier han til avisa.
Det har vore fleire redningsaksjonar i Helgelandstrppa, og sist fredag var det ei alvorleg hending kor ei ung kvinne blei redda etter hjartestans.