Familien flytta til norsk skatteparadis – no kan ordninga bli vraka

1 hour ago 1

Sande på Sunnmøre har dei siste tre åra framstått som eit skatteparadis, etter at dei reduserte den kommunale delen av formuesskatten.

Halsebakk-familien valde å ikkje flytte til Sveits, men til Sandsøya. Det er eit lite samfunn i Sande med under 200 innbyggarar og ingen fastlandssamband.

Der står dei blant anna bak hotellsatsinga Rosenlund Hamn, der Anja Halsebakk er hotellsjef. Ho meiner familien har bidratt med mykje.

– Vi har jo bygd hotell, laga konferansesenter, fått nye betongbrygger og ordna med bunker. Vi har fiksa litt på puben, også er det idrettshallen, då, seier ho.

En person står i et rom med store vinduer som gir utsikt mot et naturskjønt landskap. Rommet inneholder en seng med hvit sengetøy og vegger med trepanel. Personen har langt hår og bærer en genser. Det er pent og moderne interiør i rommet.

En person med langt hår står utenfor en glassbygning. Hun har på seg en brun genser med dekorative blomster. Bakgrunnen viser en rolig gate med bygninger og julelys. Refleksjoner av andre personer kan sees i glasset.

Far hennar er Roger Halsebakk, gründer av brønnbåtselskapet Sølvtrans. Familien har dei siste åra investert stort på øya kor han har vakse opp.

Dei likar dårleg at det kan bli slutt på skattefordelane som kommunen har blitt kjent for - etter å ha plukka opp ideen frå Bø i Vesterålen.

– Det tenkjer eg er som eit skikkeleg bananskal å tråkke på. For det første, folk med kapital som far min, vil flytte tilbake igjen til Ålesund. Også blir det stopp i utviklinga her, seier Halsebakk.

Bilde av en maritim scene med flere fjell og øyer i horisonten. Havet ligger stille under en skyet himmel. Lyset har en gyllen tone, som peker ut konturene av landskapet. Ingen mennesker er synlige i bildet.

Oppsving etter skattekutt

Onsdag kom skattelistene for fjoråret.

Der kan ein sjå at rike personar har slått seg ned og satsa i Sande etter at kommunen lokka med lågare formuesskatt for tre år sidan. Det har blitt oppsving i aktivitet og tilflytting av folk.

– Eg er ganske overtydd om at dette er eit stor pluss for Sande-samfunnet. Det er så mykje som er ordna opp i som vi aldri hadde kunna prioritert i budsjett og økonomiplana, seier ordførar Dag Arne Vaagen (H).

Bildet viser en vei med et skilt merket "Sandsøy" langs en åpen, fjellfylt landskap. Flere boliger er plassert på bakken, omkranset av grønne skogområder. Himmelen er delvis overskyet, og det er en rolig atmosfære i området. Bildet fanger det vare landskapet i en dal med høyder i bakgrunnen.

Likevel er kommunen på den berømte Robek-lista, altså står kommuneøkonomien til stryk.

– Vi har behov for å finne dei inntektene vi kan få. Også ser vi at vi får ei avkorting i inntektsutjamninga til kommunen, fordi vi har redusert promillen på skatt, seier kommunedirektør Renathe Rossi Aglen.

En person står foran Sande Rådhus, kledd i en lys genser og mørke bukser. Hun gestikulerer med hendene i en samtale. Rådhuset er synlig i bakgrunnen med store vinduer og dets navn tydelig vist. Området har velpleide busker og gruslagt sti.

Derfor vil ho heile skatteordninga til livs.

– Det er både pluss- og minussider med ei slik ordning, men eg ser ikkje at vi har mykje anna val. Mi oppgåve er å forvalte kommuneøkonomien og sørge for at den kjem alle til gode, seier Aglen.

Ny dyr fleirbrukshall

Halsebakk-familien har også gått inn med millionar til den nye fleirbrukshallen som er under bygging på Sandsøya, eit gjævt prosjekt for eit så lite samfunn.

Ordføraren vil tvihalde på den låge formuesskatten, for å sikre at ting skjer og at folk vil bu her. Han trur det er fleirtal for å forbli eit skatteparadis.

– Eg trur ikkje dette bygget hadde kome utan denne ordninga. Slik eg ser det så er det ein måtte tape av inntekter verdt det, seier ordførar Dag Arne Vaagen.

Saka skal avgjerast i kommunestyret neste veke.