Avis: Motorsvikt truleg årsak til flystyrten i India

Wall Street Journal viser til ikkje namngitte etterforskarar, som meiner at nødkraftsystemet på Air India-flyet var i bruk då det styrta kort tid etter avgang frå Ahmedabad i Gujarat.

Dette reiser spørsmål om motorane fungerte som dei skulle.

279 menneske omkom i ulykka, og fleire var på bakken.

Berre éin passasjer av dei 242 menneska om bord overlevde.

Berre ein overlevande

Overlevande, Vishwash Kumar Ramesh har fortalt at flyet stansa opp i lufta og at det lyste grøne lys før flyet styrta inn i eit hybelhus mindre enn eit minutt etter avgang.

Flyet var av typen Boeing 787–8 Dreamliner med 242 menneske om bord, var på veg til Gatwick i Storbritannia.

Det byrja å miste høgde berre sekund etter avgang.

Nødsystemet som var aktivt, heiter Ram Air Turbine (RAT). Det skal sikre at pilotane kan styre flyet sjølv om begge motorane sviktar. Flyet hadde motorar frå GE Aerospace.

Indias luftfartstilsyn seier dei ikkje har funne store tryggleiksproblem med Air India sine 787-fly. Boeing og GE har ikkje kommentert saka.