Hemnes kommune varslar kraftige kutt kor skule, kultur og eldretilbod blir ramma, skriv Rana Blad. Årsaka er at forholdet mellom utgifter og inntekter ikkje går opp.
I slike tilfelle er det ikkje uvanleg at kommunen vel å kutte i ikkje-lovpålagde oppgåver.
Kommunedirektøren foreslår no å spare 40,1 millionar kroner i 2026. Det betyr store endringar:
• 26,2 årsverk skal bort, der 11,5 lærarstillingar forsvinn.
• Ungdomsklubben i Finneidfjord blir lagt ned, og kulturskulen får redusert tilbod.
• Bassenget på Hemnesberget stenger hausten 2026, og Korgen-bassenget blir sesongstengt.
• Barnehagar stenger fire veker om sommaren, og søskenmoderasjonen blir redusert.
• Biblioteket mistar ei halv stilling, og Korgen samfunnshus blir stengt frå 2027.
For eldre blir «Gullruten»-bussen og trivselsagentane fjerna, og fleire helse- og omsorgstilbod blir kutta. Ungdomsrådet mistar midlar, og ordninga «Ungjobb» blir lagt ned.
I tillegg vil kommunen innføre eigedomsskatt frå 2026 for å auke inntektene.
English (US)