Enda ein dag toppar Trøndelag lista for høgste temperatur på gradestokken. Vakthavande meteorolog ved Meteorologisk institutt Håkon Mjelstad har tala klare.
Kotsøy stakk av med sigeren med heile 33 varmegradar, etterfylgt av Namsskogan sine 32,7 grader. Også i Nordland var det varmt. Saltdal hadde på det meste 32,6 varmegrader.
Det gjer Noreg til det varmaste landet i Nord-Europa.
– Du må ned til Middelhavet for å kunne slå det vi har. Over 30 grader er jo nesten litt eksotisk, seier Mjelstad.
Varmen vil halde fram i heile landet. Sør-Noreg vil ha varme dagar også i helga. I Trøndelag og på Helgeland vil varmen kunne vare til midten av neste veke.
Årets varmaste dag var i går. Då hadde Frosta 34,9 grader.
English (US)