Tre bilar i trafikkulykke – involverte får førstehjelp på staden

Naudetatane er på ulykkesstaden i Melhus i Trøndelag.

– Prioritet på staden no er å sikre skadestaden, samt førstehjelp til dei involverte, opplyser operasjonsleiar Bjørnar Gaasvik.

Han fortel at vegbanen på staden skal vere svært glatt.

– Ein bil skal ha køyrt inn i sida på motgåande bil, deretter i fronten på neste bil.

Tre personar er involvert i samanstøyten. Det er 70-sone på staden.

– Skadegrad er foreløpig uavklart, opplyser Gaasvik.

Fekk automatisk melding frå telefon

Klokka 16.50 opplyser politiet at ambulanse og legevaktbil er på staden.

– Politiet fekk melding om hendinga frå ein alarm frå ein Iphone som ringde automatisk inn til 110-sentralen.

Vegen er førebels stengd på staden.