Russland vil ha atomøving nær Ukraina

I eit utsegn frå det russiske forsvarsdepartementet måndag, heiter det:

– Øvinga har som mål å sørgje for tryggleiken til Russland etter provoserande utsegn frå vestlege representantar.

Øvinga skal omfatte både marinen og styrkar som har base i nærleiken av Ukraina. Det er så langt ikkje kjent når ho skal finne stad.

– Forsøk på avskrekking

Tom Røseth, førsteamanuensis ved Stabskulen i Forsvaret, meiner det Russland gjer, fyrst og fremst er strategisk kommunikasjon.

– Dette er eit forsøk på avskrekking, noko Russland har gjort fleire gongar sidan fullskalainvasjonen av Ukraina i 2022.

Røseth meiner at landet forsøker å gje beskjed til Nato og presidenten i Frankrike, Emmanuel Macron om at dei har store kapasitetar.

Macron har tidlegare sagt at Frankrike ikkje utelukkar at vestlege soldatar kan bli sende til Ukraina.

Russland-forskaren meiner Russland òg vil gje ein beskjed til Kina og Kinas president Xi Peng, som er på besøk i Frankrike.

– Eit av områda Kina og Russland er usamde om er truslane om atomvåpen.

Å informere om ei slik øving no, medan Xi Peng er i Frankrike sender signal til Kina òg.

Meiner det er irrasjonelt

Hovudlæraren i etterretning, meiner Russland eigentleg ikkje har grunn til å nytte atomvåpen.

– Det å nytte atomvåpen vil vere irrasjonelt med på ønsket om å okkupere Ukraina.

Vidare seier Røseth at det heller ikkje er i Russland si interesse å nytte slike våpen.

– Doktrinen for melding av kjernevåpen er ganske sett. Den russiske staten må vere betydeleg trua, det kan ein ikkje sjå skjer i Ukraina.

Han legg til at bruk av atomvåpen òg vil føre til sterke internasjonale reaksjonar.

– Ikkje fyrste gong

Johan Norberg ved Total Totalförsvarets forskingsinstitutt (FOI) i Sverige, seier til NTB at det ikkje er fyrste gong Russland har ei slik øving.

– Basert på informasjonen vi har no, trur eg ikkje det kjem til å smelle ein atombombe.

Norberg meiner at øvinga bør sjåast i samanheng med den store hjelpepakka USA nyleg godkjende.

Russland har hatt atomøvingar tidlegare – òg før krigen i Ukraina.

– Men det er ikkje nytt at Russland truger omverda, seier han til NTB.

Han seier at vi bør halde eit auge med om Russland flytter stridshovud frå lager.